خطے میں جنگی صورتحال: وزیراعظم ہاؤس میں اہم اجلاس جاری، بڑے فیصلوں کا امکان

خطے میں جنگی صورتحال: وزیراعظم ہاؤس میں اہم اجلاس جاری، بڑے فیصلوں کا امکان
اجلاس میں چاروں صوبوں اور گلگت بلتستان کے وزرائے اعلیٰ بھی مدعو ہیں

وزیراعظم شہباز شریف کی زیر صدارت علاقائی و عالمی صورتحال کے تناظر میں اہم اجلاس جاری ہے جس میں اہم فیصلے کیے جائیں گے۔

ذرائع کے مطابق وزیراعظم کی زیر صدارت قومی کفایت شعاری پالیسی کی منظوری کے لیے اجلاس وزیراعظم ہاؤس میں جاری ہے، اجلاس میں چاروں صوبوں اور گلگت بلتستان کے وزرائے اعلیٰ، وزیراعظم آزاد جموں و کشمیر کو بھی مدعو کیا گیا ہے۔

ذرائع کا کہنا ہے کہ اجلاس میں ملک کی مجموعی انتظامی اور معاشی صورتحال کا جائزہ لیا جائے گا، صوبوں اور وفاق کے درمیان اتفاق رائے سے قومی کفایت شعاری پالیسی کی منظوری دی جائے گی۔

ذرائع کے مطابق اجلاس میں موجودہ حالات میں عوام کو ریلیف فراہم کرنے کے لیے مشترکہ لائحہ عمل تشکیل دیا جائے گا، اجلاس میں اسکول کالجز کلاسز آن لائن ،آفسز میں ورک فرام ہوم کی پالیسی بھی زیر غور آئے گی۔