’پاکستان کی ہندو برادری قومی زندگی کا لازمی حصہ ہے‘، دیوالی کے موقع پر صدر اور وزیر اعظم کاخصوصی پیغام

صدر مملکت آصف علی زرداری اور وزیراعظم شہباز شریف نے دیوالی کے موقع پر پاکستان سمیت دنیا بھر میں آباد ہندو برادری کو مبارکباد پیش کرتے ہوئے نیک تمناؤں کا اظہار کیا ہے۔

اپنے خصوصی پیغام میں صدر مملکت اور وزیراعظم نے کہا کہ پاکستان کی ہندو برادری قومی زندگی کا لازمی حصہ ہے اور ملک کی سماجی، ثقافتی اور اقتصادی ترقی میں اس کی خدمات قابلِ تحسین ہیں۔

انہوں نے کہا کہ معاشرے میں مختلف ثقافتی اور مذہبی روایات ایک قابلِ قدر اثاثہ ہیں۔ پاکستان اپنے مذہبی اور ثقافتی تنوع پر فخر کرتا ہے۔

صدر مملکت اور وزیراعظم نے دیوالی کے پُرمسرت موقع پر ہندو برادری کے لیے دلی مبارکباد اور نیک خواہشات کا اظہار کیا۔