روہڑی میں نادرا دفتر کے لیے نئی جگہ مختص، شہریوں کو شناختی کارڈ اور دیگر سہولیات کے حصول میں آسانی ہوگی

سکھر (رپورٹ: اسلم سومرو) روہڑی کے شہریوں کے لیے خوشخبری، چیئرمین ضلع کونسل سکھر سید کمیل حیدر شاہ کی خصوصی کوششوں سے روہڑی میں نادرا دفتر کے قیام کے لیے نئی جگہ مختص کر دی گئی ہے، جو بیڑی چوک کے قریب گرلز ڈگری کالج کے ساتھ واقع ہوگی اس سلسلے میں سید کمیل حیدر شاہ کی ہدایات پر صوبائی وزیر بلدیات سندھ سید ناصر حسین شاہ کے فوکل پرسن عرفان علی داؤدپوتہ اور چیئرمین میونسپل کمیٹی روہڑی میر یعقوب علی شاہ نے بھی اہم کردار ادا کیابنادرا دفتر کے لیے نئی جگہ مختص ہونے سے روہڑی اور گردونواح کے شہریوں کو شناختی کارڈ، بچوں کے ب فارم اور نادرا سے متعلق دیگر سہولیات کے حصول میں مزید آسانی میسر آئے گی اور شہریوں کو ان سہولیات کے لیے دوسرے شہروں کا رخ کرنے کی مشکلات سے نجات ملنے کی امید ہے شہری حلقوں نے اس اقدام کو خوش آئند قرار دیتے ہوئے سید کمیل حیدر شاہ، عرفان علی داؤدپوتہ اور میر یعقوب علی شاہ کی کوششوں کو سراہا ہے اور امید ظاہر کی ہے کہ نادرا دفتر کا قیام جلد مکمل کرکے عوام کو سہولیات فراہم کی جائیں گی۔