‘سہیل آفریدی ہی وزیراعلیٰ خیبر پختونخوا رہیں گے’ پی ٹی آئی کا اعلان

اسلام آباد: پاکستان تحریک انصاف نے سہیل آفریدی کو وزیراعلیٰ خیبرپختونخوا کے عہدے پر برقرار رکھنے کا باضابطہ اعلان کردیا ہے۔

چیئرمین پی ٹی آئی بیرسٹر گوہر خان کی جانب سے جاری نوٹیفکیشن کے مطابق بانی پی ٹی آئی عمران خان کے علاوہ کسی کو بھی وزیراعلیٰ کے متبادل امیدوار نامزد کرنے یا اس فیصلے میں تبدیلی کا اختیار حاصل نہیں ہوگا۔

نوٹیفکیشن میں پارٹی رہنماؤں اور ارکان کو وزیراعلیٰ کی تبدیلی کے معاملے پر اجلاس بلانے، تجاویز دینے اور بحث کرنے سے بھی روک دیا گیا ہے۔

اس اعلان کے بعد پارٹی نے واضح کیا ہے کہ سہیل آفریدی ہی خیبرپختونخوا کے وزیراعلیٰ برقرار رہیں گے۔