کوئٹہ پولیس کا فوری ایکشن، دھمکی آمیز ویڈیو بنانے والا طالب علم گرفتار، اسلحہ و خنجر برآمد

کوئٹہ پولیس کا فوری ایکشن، دھمکی آمیز ویڈیو بنانے والا طالب علم گرفتار، اسلحہ و خنجر برآمد
کوئٹہ: گزشتہ روز سوشل میڈیا پر وائرل ہونے والی طالب علم کی دھمکی آمیز ویڈیو کا ڈی آئی جی کوئٹہ اور ایس ایس پی آپریشنز ضیاء الحق مندوخیل نے نوٹس لیتے ہوئے فوری کارروائی کا حکم دے دیا۔
ایس پی سٹی ڈویژن آصف غفور کی ہدایات پر ایس ایچ او بجلی روڈ جاوید بزدار نے ڈی ایس پی کینٹ مختیار خان کی نگرانی میں کارروائی کرتے ہوئے مبینہ طور پر اسلحے کی نمائش اور دھمکی آمیز پیغام نشر کرنے والے طالب علم کو گرفتار کرکے اس کے قبضے سے اسلحہ اور خنجر برآمد کرلیا۔
پولیس کے مطابق طالب علم نے اپنے فعل پر معذرت کرلی ہے، جبکہ مزید قانونی کارروائی جاری ہے۔
پولیس کی والدین سے اپیل: اپنے بچوں کی سرگرمیوں پر نظر رکھیں، خطرناک ہتھیاروں کو ان کی پہنچ سے دور رکھیں اور انہیں دھمکی آمیز رویوں اور غیر قانونی سرگرمیوں سے بچانے میں اپنا کردار ادا کریں۔