سکھر: کیمرا مین اینڈ فوٹو جرنلسٹ ایسوسی ایشن کی جانب سے چیمبر آف کامرس کے نومنتخب عہدیداران کو مبارکباد

سکھر(رپورٹ اسلم سومرو)کیمرا مین اینڈ فوٹو جرنلسٹ ایسوسی ایشن کی جانب سے سکھر چیمبر آف کامرس اینڈ انڈسٹری کے نومنتخب عہدیداران کو مبارکباد پیش کی گئی ہے۔ ایسوسی ایشن کے عہدیداران اور ممبران نے صدر محمد یعقوب ملک، سینئر نائب صدر عبدالمجید قریشی اور نائب صدر شہزاد شیوانی کے لیے نیک خواہشات کا اظہار کرتے ہوئے امید ظاہر کی کہ نئی قیادت تاجروں اور صنعت کاروں کے مسائل کے حل، کاروباری سرگرمیوں کے فروغ اور شہر کی معاشی ترقی کے لیے مؤثر کردار ادا کرے گی۔ایسوسی ایشن کے ممبران کا کہنا تھا کہ چیمبر آف کامرس کاروباری برادری اور متعلقہ سرکاری اداروں کے درمیان رابطے کا اہم ذریعہ ہے۔ تاجروں کو درپیش مسائل اجاگر کرنا، کاروبار اور صنعت کو فروغ دینا، سرمایہ کاری کے مواقع پیدا کرنا، تجارتی سرگرمیوں میں بہتری لانا اور مقامی کاروباری طبقے کے مسائل کے حل کے لیے آواز اٹھانا چیمبر کی اہم ذمہ داریوں میں شامل ہے۔انہوں نے امید ظاہر کی کہ چیمبر کی نئی قیادت صحافیوں، کیمرا مینوں اور فوٹو جرنلسٹس سمیت مختلف شعبہ ہائے زندگی سے تعلق رکھنے والے افراد کے ساتھ بھی تعاون کو فروغ دے گی اور سکھر کی ترقی کے لیے مشترکہ کوششیں جاری رکھی جائیں گی۔کیمرا مین اینڈ فوٹو جرنلسٹ ایسوسی ایشن کے صدر عمران شیخ، نائب صدر حیات کھوکھر ، جنرل سیکرٹری بلاول بھٹی ، خازن شاہ ولی، آفیس سیکرٹری حمید، جوائنٹ سیکریٹری نعیم غوری، اسامہ طلعت، حمید ،اصغر عباسی، سجاد سنجرانی، رزاق سولنگی، سکندر چاچڑ اور وہ دیگر نے مبارک باد دی۔ایسوسی ایشن کے ممبران نے نومنتخب عہدیداران کے لیے کامیابی کی دعا کرتے ہوئے اس امید کا اظہار کیا کہ ان کی قیادت میں سکھر کی کاروباری برادری کو مزید ترقی اور بہتری کے مواقع میسر آئیں گے۔