شدید سردی میں گیس لوڈشیڈنگ انسانی جانوں کے لیے خطرہ ہے،مولانا قاری مہراللہ

جمعیت علماء اسلام نظریاتی بلوچستان کے صوباٸی امیر مولانا قاری مہراللہ جنرل سیکرٹری مفتی شفیع الدین سنئیرنائب امیرمولانا محمد احمد حقانی ناٸب امیر مولانا شاہ محمد مفتی رحمت اللہ خلجی، مولانا رحمت اللہ حقانی مولا عبدالغفور کرخی نے کہا بلوچستان میں شدید سردی کے موسم میں گیس لوڈشیڈنگ المناک حوادث اور اموات کا باعث بنے گا جس کازمہ دار گورنر اور گیس انتظامیہ ہے بلوچستان میں درجہ حرارت منفی سینٹی گریڈ تک گرنے کے ساتھ ہی برفانی ہوائیں اور شدید سردی کےلہر میں گیس لوڈشیڈنگ عوام کے لیے بقا کا مسئلہ پیدا کر دیا ہے۔ انہوں نے کہا کہ گیس کی عدم فراہمی کے باعث شہری مہنگے داموں ایل پی جی (LPG) سلنڈر یا کوئلہ استعمال کرنے پر مجبور ہیں انہوں نے کہا کہ کوئٹہ اور بالائی بلوچستان میں منفی درجہ حرارت کی پیشِ نظر 24گھنٹے گیس کی مسلسل سپلائی یقینی بنائی جائے اور ہر قسم کی لوڈشیڈنگ فوری ختم کیا جائے۔ عوام کو احتجاج اور سڑکوں بند کرنےپر مجبور نہ کرے انہوں نے کہا کہ وفاقی و صوبائی حکومت اور عدالتِ عالیہ سے انسانی ہمدردی کی بنیاد پر اس سنگین مسئلے کا فوری نوٹس لیا جائے تاکہ شدید سردی کے موسم میں کسی بڑے انسانی اور طبی سانحے سے بچا جا سکے انہوں نے کہا کہ اگر لوڈشیڈنگ ختم نہ کیا گیا تو جمعیت نظریاتی تمام سیاسی جماعتوں کے ساتھ مل کر مشترکہ احتجاجی لاٸحہ عمل طے کرینگی گیس کمپنیوں کی بے حسی کے خلاف سڑکوں پر نکل کر شدید احتجاج کیا جاٸیگا