کراچی میں گرمی کی شدت برقرار؛ پارہ 40 ڈگری چھونے کا امکان

کراچی (ویب ڈیسک): اکتوبر کا نصف سے زیادہ مہینہ گزرنے کے باوجود کراچی میں گرمی کی شدت برقرار ہے، جہاں آج زیادہ سے زیادہ درجہ حرارت 40 ڈگری سینٹی گریڈ تک پہنچنے کا امکان ظاہر کیا گیا ہے۔

موسم کی صورت حال کے مطابق بلوچستان کی جانب سے چلنے والی شمال مغربی ہواؤں کے باعث شہر میں گرمی کی شدت برقرار ہے، جبکہ محکمہ موسمیات نے آئندہ دنوں میں بھی گرمی کی لہر کے اثرات جاری رہنے کا امکان ظاہر کیا ہے۔

محکمہ موسمیات کے مطابق بدھ اور جمعرات کو کراچی کا زیادہ سے زیادہ درجہ حرارت 38 ڈگری سینٹی گریڈ سے تجاوز کرسکتا ہے۔

موسمیاتی ماہرین نے شہریوں کو شدید گرمی کے دوران احتیاط برتنے، بلا ضرورت دھوپ میں نکلنے سے گریز کرنے اور پانی کا زیادہ استعمال کرنے کا مشورہ دیا ہے۔