سونا عالمی اور مقامی مارکیٹوں میں سستا ہوگیا، چاندی کی قیمت مستحکم

کراچی (اسٹاف رپورٹر): عالمی اور مقامی صرافہ مارکیٹوں میں سونے کی قیمت میں کمی ریکارڈ کی گئی ہے، جبکہ چاندی کی قیمت مستحکم رہی۔

بین الاقوامی بلین مارکیٹ میں سونے کی فی اونس قیمت 36 ڈالر کم ہوکر 4 ہزار 128 ڈالر پر آگئی۔ اس کے اثرات مقامی مارکیٹ میں بھی دیکھنے میں آئے، جہاں فی تولہ سونے کی قیمت 3 ہزار 600 روپے کی کمی کے بعد 4 لاکھ 35 ہزار 436 روپے ہوگئی۔

اسی طرح 10 گرام سونے کی قیمت بھی 3 ہزار 86 روپے کم ہوکر 3 لاکھ 73 ہزار 316 روپے پر آگئی۔

دوسری جانب عالمی مارکیٹ میں چاندی کی فی اونس قیمت 57 ڈالر 56 سینٹ پر برقرار رہی۔ مقامی صرافہ مارکیٹوں میں بھی فی تولہ چاندی 6 ہزار 234 روپے اور 10 گرام چاندی 5 ہزار 344 روپے میں فروخت ہوتی رہی