دہشت گردی کے خلاف جنگ کیلیے جدید بکتر بند گاڑیاں پشاور پولیس کو موصول

پشاور: وفاقی حکومت کی جانب سے خیبر پختونخوا میں دہشت گردی کے خلاف کارروائیوں کو مؤثر بنانے کے لیے 10 جدید بلٹ پروف بکتر بند گاڑیاں آپریشنل فورس کے حوالے کردی گئی ہیں۔

تفصیلات کے مطابق جدید ٹیکنالوجی سے لیس یہ گاڑیاں دہشت گردوں کے خلاف آپریشنز اور اہم مقامات کی سیکیورٹی کے لیے استعمال کی جائیں گی۔

سینیئر پولیس افسر کے مطابق ضرورت پڑنے پر پشاور کے علاوہ صوبے کے دیگر اضلاع میں بھی یہ بکتر بند گاڑیاں بھیجی جاسکتی ہیں، تاکہ حساس علاقوں میں سیکیورٹی انتظامات کو مزید مؤثر بنایا جاسکے۔

وفاقی وزیر داخلہ محسن نقوی نے جدید ٹیکنالوجی سے لیس یہ گاڑیاں گورنر خیبر پختونخوا کے حوالے کی تھیں۔ حکام کے مطابق ان گاڑیوں کی تعیناتی کا مقصد دہشت گردی کے خلاف کارروائیوں اور اہم مقامات کے تحفظ کے لیے فورس کی صلاحیت بہتر بنانا ہے۔