فیکٹ چیک؛ راولپنڈی کرکٹ میچ میں آرمی افسر کی ہلاکت کا دعویٰ جھوٹا قرار

وزارت اطلاعات کے مطابق راولپنڈی کرکٹ اسٹیڈیم میں پاکستان اور سری لنکا کے میچ کے دوران کسی آرمی افسر کی موت نہیں ہوئی۔

وزارت کے فیکٹ چیک کے مطابق متوفی محمد فاروق پاکستان آرمی کے افسر نہیں بلکہ پاکستان کرکٹ بورڈ (پی سی بی) کے ملازم تھے۔ ان کی موت میچ کے دوران نہیں بلکہ گھر پر بجلی کا پلگ چیک کرتے ہوئے کرنٹ لگنے سے ہوئی۔

وزارت اطلاعات کی جانب سے شیئر کردہ ایف آئی آر کے مطابق متوفی کی عمر 60 سال تھی اور انہیں بے نظیر بھٹو اسپتال راولپنڈی منتقل کیا گیا تھا۔

وزارت نے واضح کیا کہ اس واقعے کو کرکٹ میچ سے جوڑنا گمراہ کن ہے اور عوام سے اپیل کی کہ خبریں شیئر کرنے سے پہلے ان کی تصدیق کریں۔