بوستان تھانے پر مسلح افراد کی فائرنگ، جانی نقصان نہیں ہوا

بوستان: بلوچستان کے علاقے بوستان میں مسلح افراد نے تھانے پر حملہ کرکے فائرنگ کی، تاہم ابتدائی اطلاعات کے مطابق واقعے میں کسی جانی نقصان کی اطلاع نہیں ملی۔

ذرائع کے مطابق مسلح افراد کی جانب سے فائرنگ کے بعد پولیس نے علاقے میں سیکیورٹی مزید سخت کردی اور حملہ آوروں کی تلاش شروع کردی۔

پولیس حکام کے مطابق واقعے کی مزید تحقیقات جاری ہیں جبکہ حملہ آوروں کی شناخت اور حملے کی وجوہات سے متعلق مزید معلومات تاحال سامنے نہیں آسکیں۔

واضح رہے کہ اس سے قبل زیارت کراس کے مقام پر کسٹم ہاؤس کو بھی مسلح افراد نے نشانہ بنایا تھا۔