سونے کی قیمت میں مسلسل 4روز کی کمی کے بعد بڑا اضافہ

کراچی: سونے کی قیمت میں مسلسل چار روز کی کمی کے بعد ایک بار پھر بڑا اضافہ ہوگیا۔

بین الاقوامی بلین مارکیٹ میں سونے کی فی اونس قیمت 47 ڈالر بڑھ کر 4 ہزار 305 ڈالر ہوگئی، جس کے اثرات مقامی مارکیٹ پر بھی پڑے۔

مقامی صرافہ مارکیٹ میں سونے کی فی تولہ قیمت 4 ہزار 700 روپے اضافے کے بعد 4 لاکھ 53 ہزار 36 روپے ہوگئی، جبکہ 10 گرام سونا 4 ہزار 29 روپے مہنگا ہوکر 3 لاکھ 88 ہزار 404 روپے پر پہنچ گیا۔

دوسری جانب چاندی کی قیمت میں بھی اضافہ ریکارڈ کیا گیا۔ عالمی مارکیٹ میں فی اونس چاندی 64.85 ڈالر ہوگئی، جس کے بعد فی تولہ چاندی 126 روپے اضافے سے 6 ہزار 963 روپے جبکہ 10 گرام چاندی 108 روپے مہنگی ہوکر 5 ہزار 969 روپے ہوگئی۔