مسلم باغ: اسسٹنٹ کمشنر کا ٹی ایچ کیو ہسپتال کا اچانک دورہ، طبی سہولیات کا جائزہ

مسلم باغ: اسسٹنٹ کمشنر کا ٹی ایچ کیو ہسپتال کا اچانک دورہ، طبی سہولیات کا جائزہ

مسلم باغ: اسسٹنٹ کمشنر مسلم باغ ماجد سلیم نے ٹی ایچ کیو ہسپتال کا تفصیلی دورہ کیا اور مختلف شعبہ جات کا معائنہ کیا۔

دورے کے دوران اسسٹنٹ کمشنر نے او پی ڈی، ایمرجنسی، وارڈز، ای پی آئی سیکشن، لیبارٹری اور میڈیسن اسٹور کا جائزہ لیا، جہاں طبی سہولیات، صفائی کی صورتحال، ادویات کی دستیابی اور عملے کی حاضری کا معائنہ کیا گیا۔

اس موقع پر ایمرجنسی اور لیبارٹری کو فعال پایا گیا جبکہ ہسپتال میں ضروری ادویات کا مناسب ذخیرہ بھی موجود تھا۔

اسسٹنٹ کمشنر ماجد سلیم نے ہسپتال انتظامیہ کو ہدایت کی کہ مریضوں کو بروقت اور معیاری طبی سہولیات کی فراہمی یقینی بنائی جائے۔ انہوں نے واضح کیا کہ عوامی خدمات میں غفلت یا کوتاہی کسی صورت برداشت نہیں کی جائے گی اور ذمہ داران کے خلاف کارروائی عمل میں لائی جائے گی۔