مستونگ حملہ: وزیراعلیٰ بلوچستان کا زخمی ایڈیشنل سیشن جج طارق لاشاری سے رابطہ

کوئٹہ: وزیراعلیٰ بلوچستان میر سرفراز بگٹی نے مستونگ فائرنگ کے واقعے میں زخمی ہونے والے ایڈیشنل سیشن جج طارق لاشاری سے ٹیلیفونک رابطہ کر کے ان کی خیریت دریافت کی۔

وزیراعلیٰ نے زخمی جج کی صحت سے متعلق آگاہی حاصل کی اور متعلقہ حکام کو ہدایت کی کہ انہیں بہترین طبی سہولیات فراہم کی جائیں۔

میر سرفراز بگٹی نے زخمیوں کی جلد صحت یابی کے لیے نیک خواہشات کا اظہار کرتے ہوئے کہا کہ حکومت متاثرین کے علاج اور ہر ممکن معاونت کو یقینی بنا رہی ہے، جبکہ حملے میں ملوث عناصر کو قانون کے کٹہرے میں لایا جائے گا۔