مولانا فضل الرحمن کے خلاف سیاسی رد عمل درباری سیاست کا مظہر ہے،حافظ حمداللہ

اسلام آباد(پ ر) جمعیت علمائے اسلام (ف) کے مرکزی رہنما اور سابق سینیٹر مولانا حافظ حمد اللہ نے پارٹی سربراہ مولانا فضل الرحمٰن کے خلاف جاری تنقید پر سخت ردعمل دیتے ہوئے کہا ہے کہ جب “درباری ملا، درباری سیاست دان، اقتدار کے پجاری، سیاسی لوٹے، سیاسی خانہ بدوش اور زرخرید غلام” ایک ہی صف میں کھڑے ہو جائیں تو سمجھنے والوں کو مزید وضاحت کی ضرورت نہیں رہتی۔انہوں نے اپنے بیان میں کہا کہ جب مختلف حلقے ایک ہی زبان اور ایک ہی لہجہ اختیار کر لیں تو یہ واضح ہو جاتا ہے کہ اس بیانیے کا سرچشمہ کہاں ہے۔حافظ حمد اللہ نے مزید کہا کہ اب تقریباً سب اپنی “حاضری” لگا چکے ہیں، صرف ایک پریس کانفرنس باقی ہے، وہ آئی ایس پی آر کی۔
انہوں نے کہا کہ وہ آئی ایس پی آر کی پریس کانفرنس کا بھی شدت سے انتظار کر رہے ہیں تاکہ ان کے بقول “دربار کا یہ سلسلہ مکمل ہو جائے۔”
واضح رہے کہ حافظ حمد اللہ کا یہ بیان ایسے وقت میں سامنے آیا ہے جب مولانا فضل الرحمٰن کے حالیہ سیاسی مو¿قف پر مختلف سیاسی اور سماجی حلقوں کی جانب سے تنقید کی جا رہی ہے۔