زیارت میں دہشت گردی کے شہداء کو خراجِ عقیدت، وزیراعلیٰ بلوچستان کی لواحقین سے تعزیت

زیارت: وزیراعلیٰ بلوچستان میر سرفراز احمد بگٹی، صوبائی وزیر داخلہ میر ضیاء اللہ لانگو، صوبائی وزیر خوراک و فوڈ اتھارٹی حاجی نور محمد دومڑ، رکن بلوچستان اسمبلی زرک مندوخیل، آئی جی پولیس بلوچستان اور دیگر اعلیٰ حکام نے زیارت میں دہشت گردی کے واقعے میں شہید ہونے والے پولیس اہلکاروں کے اہل خانہ سے ملاقات کی۔

وفد نے شہداء کے لواحقین سے اظہارِ یکجہتی کرتے ہوئے ان سے تعزیت کی، فاتحہ خوانی کی اور شہداء کے درجات کی بلندی کے لیے دعا کی۔ اس موقع پر حکام نے متاثرہ خاندانوں کو ہر ممکن تعاون کی یقین دہانی بھی کرائی۔