بلوچستان ہائی کورٹ تقرریوں میں خواتین وکلا نظر انداز، آستر مہک کا احتجاج

کوئٹہ(بلوچستان ٹی وی)ایڈوکیٹ آستر مہک نے بلوچستان ہائی کورٹ میں ججز ، ایڈیشنل ایڈووکیٹ جنرل اور اسسٹنٹ ایڈوکیٹ جنرل کے عہدے کے لیے کسی بھی خاتون وکیل کی نامزدگی نہ ہونے پر شدید الفاظ میں مذمت کی ہے۔ بلوچستان ہائی کورٹ میں حالیہ عدالتی تقرریوں کے موقع پر ایک بار پھر خواتین وکلا کو مکمل طور پر نظر انداز کر دیا گیا، جو نہایت افسوسناک، تشویشناک اور باعثِ تشویش امر ہے۔ قابل اور باصلاحیت خواتین وکلا کو نظر انداز کرنا سمجھ سے بالاتر ہے کیا میرٹ، مساوات اور آئین میں دیے گئے برابری کے حقوق خواتین وکلا کے لیے مؤثر نہیں ہیں٫ ایڈوکیٹ آستر مہک نے چیف جسٹس پاکستان، چیف جسٹس بلوچستان ہائی کورٹ، جوڈیشل کمیشن آف پاکستان، حکومتِ بلوچستان اور تمام متعلقہ آئینی اداروں سے مطالبہ کیاہے کہ اس دیرینہ ناانصافی کا فوری ازالہ کیا جائے۔ مستقبل کی عدالتی تقرریوں میں خواتین وکلا کو ان کا جائز اور آئینی حق دیا جائے اور بلوچستان ہائی کورٹ میں ان کی مؤثر نمائندگی یقینی بنائی جائے۔ See less