روہڑی میں شہری کا احتجاج، بلیک میلنگ اور ہراسانی کے سنگین الزامات

سکھر (رپورٹ اسلم سومرو)روہڑی کے علاقے بڑی پٹنی کے رہائشی ظفر ڈنڈن نے روہڑی پریس کلب کے سامنے احتجاجی مظاہرہ کرتے ہوئے میڈیا سے گفتگو میں مبینہ طور پر الزام لگایا کہ غلام صغرا عرف سونیا دختر شیر چنا اور اس کے بھائی اصغر علی،ظفر علی،مظہر علی،پیرو اور علی رضا چنا گزشتہ کئی ماہ سے اسے بلیک میل کرنے اور ہراساں کرنے میں ملوث ہیں انہوں نے بتایا کہ چند ماہ قبل وہ اپنی رکشہ پر غلام صغرا عرف سونیا کو سواری کے طور پر لے جاتے تھے جو ماہانہ بنیاد پر کرایہ ادا کرتی تھی تاہم بعد ازاں اس نے کرایہ دینا بند کر دیا ان کے مطابق جب انہوں نے کرایہ طلب کیا تو انہیں مبینہ طور پر دھمکیاں دی گئیں کہ انہیں جھوٹے مقدمات میں ملوث کر دیا جائے گا ظفر ڈنڈن نے دعویٰ کیا کہ معاملہ عدالت تک پہنچا جہاں فیصلہ ان کے حق میں آیا، مگر اس کے باوجود بھی مخالف فریق کی جانب سے ان کے خلاف کارروائیاں جاری ہیں انہوں نے مزید مبینہ الزام عائد کیا کہ ملزمان اور ان سے وابستہ چند افراد نے ان سے زبردستی رقم کا مطالبہ کیا اور انکار پر بڑی پٹنی کی مرکزی مارکیٹ میں ان پر پٹرول چھڑک کر انہیں زندہ جلانے کی کوشش کی گئی ان کا کہنا تھا کہ اس واقعے کے بعد بھی انہیں مسلسل تشدد کا نشانہ بنایا جا رہا ہے اور ان کے خلاف جھوٹے مقدمات درج کیے جا رہے ہیں متاثرہ شخص ظفر ڈنڈن نے ڈی آئی جی سکھر،ایس ایس پی سکھر اور دیگر متعلقہ حکام سے مطالبہ کیا ہے کہ ان کی جان کو لاحق خطرات کے پیش نظر انہیں فوری تحفظ فراہم کیا جائے اور نامزد افراد کے خلاف قانون کے مطابق کارروائی کرتے ہوئے انہیں انصاف فراہم کیا جائے

Browse Posts

پاکستان عالمی سفارتکاری میں ذمہ دار کردار ادا کر رہا ہے،سید امان شاہ

خالد ساسولی کا قتل اختیارات کے ناجائز استعمال کا شاخسانہ ہے،میر اکبر لہڑی

جامعات کو بھرتیوں کی فیکٹری نہیں بلکہ تحقیق کا مرکز بنائیں،وزیراعلیٰ بلوچستان