راجہ صمد معاویہ چیئرمین ڈیفنس کمیٹی قومی اسمبلی کے میڈیا کوآرڈینیٹر منتخب

راجہ صمد معاویہ چیئرمین ڈیفنس کمیٹی قومی اسمبلی کے میڈیا کوآرڈینیٹر منتخب
راجہ صمد معاویہ کی اس تقرری کو صحافتی حلقوں میں خوش آئندہ قرار دیا جا رہا ہے
مظفر آباد (نمائندہ خصوصی)گلوبل ٹائمز میڈیا یورپ کے مطابق متحرک، باصلاحیت اور سینئر نوجوان صحافی راجہ صمد معاویہ کو چیئرمین ڈیفنس کمیٹی قومی اسمبلی آف پاکستان کا میڈیا کوآرڈینیٹر منتخب کر لیا گیا ہے۔ ان کی اس اہم تقرری کو صحافتی حلقوں میں خوش آئند قرار دیا جا رہا ہے۔راجہ صمد معاویہ ایک عرصے سے قومی و علاقائی سطح پر صحافت کے شعبے میں متحرک کردار ادا کر رہے ہیں اور دفاعی، پارلیمانی و قومی امور پر گہری نظر رکھتے ہیں۔ ان کی پیشہ ورانہ صلاحیتوں، میڈیا سے مضبوط روابط اور متوازن رپورٹنگ کو مدنظر رکھتے ہوئے انہیں یہ اہم ذمہ داری سونپی گئی ہے۔اس موقع پر مختلف صحافتی، سماجی اور سیاسی حلقوں کی جانب سے راجہ صمد معاویہ کو مبارکباد دی گئی اور امید ظاہر کی گئی کہ وہ اپنی نئی ذمہ داریوں کو احسن انداز میں نبھاتے ہوئے چیئرمین ڈیفنس کمیٹی اور قومی اسمبلی کے مؤقف کو مؤثر انداز میں میڈیا کے ذریعے عوام تک پہنچائیں گے۔راجہ صمد معاویہ کی اس تقرری کو نوجوان صحافیوں کے لیے ایک حوصلہ افزا پیش رفت قرار دیا جا رہا ہے، جو اس بات کا ثبوت ہے کہ محنت، دیانت اور پیشہ ورانہ صلاحیتوں کے ذریعے قومی سطح پر نمایاں مقام حاصل کیا جا سکتا ہے۔