معیاری طبی سہولیات کی فراہمی ضروری، نجی اسپتالوں کو ریلیف دیا جائے، ڈاکٹر اعزاز علی شاہ

پشاور(بیورو چیف سید طاہر شاہ سے) عوام کو معیاری اور سستی طبی سہولیات کی فراہمی وقت کی اہم ضرورت ہے۔ ان خیالات کا اظہار معروف پرائیویٹ طبی ادارے سنایہ(SANAYA) میڈیکل کمپلیکس پشاورکے اونر جنرل فزیشن ڈاکٹر اعزاز علی شاہ نے میڈیا سے گفتگو کرتے ہوئے کیا انہوں نے کہا کہ ہسپتالوں میں اعلی درجے کی صفائی، انفیکشن سے پاک وارڈز اور مریضوں کے لیے پرسکون ماحول۔ڈاکٹروں اور عملے کی جانب سے مریضوں اور ان کے لواحقین کے ساتھ اخلاقی اور نرم خوئی پر مبنی برتائو انتہائی ضروری ہے،تجربہ کار، ماہر اور تربیت یافتہ ڈاکٹروں، نرسوں اور پیرامیڈیکل اسٹاف کی موجودگی پرائیویٹ طبی اداروں کیلئے انتہائی ناگزیر ہے،، مریض کو اس کی بیماری، علاج کے ممکنہ خطرات اور اخراجات کے بارے میں مکمل اور واضح آگاہی دینا ڈاکٹروں کے فرائض میں شامل ہے،انہوں نے کہا کہ بعض نجی اداروں کا بنیادی مقصد انسانی خدمت کے بجائے زیادہ سے زیادہ مالی منافع کمانا بن جاتا ہے، جس کی وجہ سے غیر ضروری ٹیسٹ یا آپریشن بھی کر دیے جاتے ہیں۔یہ سب غلط ہے اس سے اجتناب کرنا چاہیئے،انہوں نے کہا کہ پرائیویٹ طبی ادارے(نجی اسپتال، کلینک اور لیبارٹریز)صحت کے نظام میں ایک اہم اور کلیدی کردار ادا کرتے ہیں،اس لئے حکومت ان اداروں کو ریلیف فراہم کرے،ادارے ان کے ساتھ تعاون کریں،اس سلسلے میںٹیکس نظام کو منصفانہ بنایا جائے اور پرائیویٹ سیکٹر کے ڈاکٹروں پر بے جا دبا ئویا سخت ٹیکس اقدامات پر نظرثانی کی جائے