سانحہ کارساز کے شہداء کی قربانیاں آج بھی ہمارے دلوں میں زندہ ہیں، میر سرفراز بگٹی

کوئٹہ: وزیر اعلیٰ بلوچستان میر سرفراز بگٹی نے 18 اکتوبر کے سانحہ کارساز کے شہداء کو خراجِ عقیدت پیش کرتے ہوئے کہا ہے کہ شہداء کی قربانیاں آج بھی ہمارے دلوں میں زندہ ہیں اور اس المناک دن کی یادیں 19 برس گزرنے کے باوجود تازہ ہیں۔

سماجی رابطے کی ویب سائٹ ایکس پر اپنے پیغام میں میر سرفراز بگٹی نے شہید محترمہ بینظیر بھٹو کی بے مثال جرأت اور جمہوریت کے لیے ان کی جدوجہد کو سلام پیش کیا۔

وزیر اعلیٰ بلوچستان نے سانحہ کارساز میں جمہوریت کے لیے اپنی جانوں کا نذرانہ پیش کرنے والے جیالے کارکنوں کو خراجِ عقیدت پیش کرتے ہوئے کہا کہ ان کی قربانیوں کو ہمیشہ یاد رکھا جائے گا۔