تفتان: پاک ایران سرحد پر ایف آئی اے امیگریشن گیٹ عارضی طور پر بند

اسلام آباد سے فون کال کے ذریعے گیٹ بند کرنے کی اطلاع، تاحال بندش کی وجوہات سامنے نہ آسکیں
تفتان: پاک ایران سرحدی شہر تفتان میں پاکستانی ایف آئی اے امیگریشن گیٹ عارضی طور پر بند کر دیا گیا ہے، ذرائع کے مطابق گیٹ کی بندش کی وجوہات تاحال واضح نہیں ہو سکیں۔
ذرائع کا کہنا ہے کہ اسلام آباد سے فون کال کے ذریعے پاکستانی امیگریشن گیٹ بند کرنے کی ہدایت دی گئی، تاہم اس حوالے سے تاحال کوئی باقاعدہ سرکاری نوٹیفکیشن جاری نہیں کیا گیا۔
تفتان میں پاکستانی امیگریشن گیٹ بند ہے، جبکہ ایرانی امیگریشن گیٹ کھلا ہونے کی اطلاعات ہیں۔ حکام کی جانب سے گیٹ کی بندش کے معاملے پر تاحال باضابطہ وضاحت سامنے نہیں آئی۔