گنداواہ کے معززین کا بی اے پی تحصیل گنداواہ کے صدر سید صفدر اکبر حسینی سے ملاقات

گنداواہ(رپورٹ شیر احمد ساسولی نمائندہ صحافت)
بلوچستان عوامی پارٹی تحصیل گنداواہ کے صدر سید صفدر اکبر حسینی سے گنداواہ کے معززین معتبرین و دیگر حسینی ہاؤس درگاہ فتح پور میں ملاقات کر رہے ہیں ملاقات کے دوران گنداواہ مین ٹرانسمیشن لائن بجلی کی بحالی سمیت مختلف امور پر تبادلہ خیال کیا گیا ۔
اس موقع پر بلوچستان عوامی پارٹی تحصیل گنداواہ کے صدر سید صفدر اکبر شاہ حسینی نے کہا ہے کہ گنداواہ کے عوام کے دیرینہ بجلی کے مسلے پائیدار کے حل کیلئے حلقے سے رکن اسمبلی سینئر صوبائی وزیر نوابزادہ طارق خان مگسی اور وفاقی وزیر سائنس اینڈ ٹیکنالوجی نوابزادہ خالد خان مگسی سے ایک نمائندہ وفد کی صورت میں بات چیت کی جائے گی تاکہ گنداواہ کو جھل مگسی گریڈ سے 33 ہزار کے وی نئی ٹرانسمیشن لائن بچھا کر بجلی دی جائے کیونکہ بھاگ سے آنے والی مین ٹرانسمیشن لائن غیر محفوظ اور سیلابی علاقے سے آنے کی وجہ سے نقصان زدہ ہوچکی ہے جس کی پٹرولنگ کرنے میں بھی مشکلات در پیش رہتی ہیں اور تاریں چوری کرنے کا بھی شدید خدشہ رہتا ہے اس سلسلے میں ضلعی انتظامیہ اورایف سی ونگ 151 کرنل سے بھی ملاقات کرکے (BSDi)امیں شامل بجلی کی اسکیم کو حتمی شکل دے کر عمل درآمد کیا جائے گا تاکہ تحصیل گنداواہ کے عوام کا دیرینہ بجلی کا مسلہ حل ہو۔اس موقع پر علاقے میں ترقیاتی عمل ،امن وامان و دیگر امور پر بھی سیر حاصل گفتگو کی گئی