ایم ڈی بی ٹیوٹا کی دیہی خواتین کے عالمی دن کی تقریب میں شرکت

ایم ڈی بی ٹیوٹا کی دیہی خواتین کے عالمی دن کی تقریب میں شرکت

کوئٹہ: (رپورٹ، شاہد علی مگسی) منیجنگ ڈائریکٹر بی ٹیوٹا جناب عبدالکبیر زرکون نے بلوچستان بورڈ آف انویسٹمنٹ اینڈ ٹریڈ (BBoIT) کے زیر اہتمام دیہی خواتین کے عالمی دن کی تقریب میں بطور مہمان خصوصی شرکت کی۔
تقریب میں خواتین کی کاروباری صلاحیتوں کو اجاگر کیا گیا اور مقامی طور پر تیار کردہ مصنوعات، روایتی بلوچی ملبوسات، دستکاری اور نامیاتی (آرگینک) مصنوعات کی نمائش کی گئی۔
اس موقع پر ایم ڈی بی ٹیوٹا نے اپنے خطاب میں کہا کہ تکنیکی اور پیشہ ورانہ ہنر خواتین کو بااختیار بنانے، کاروبار کے فروغ اور بلوچستان بھر میں پائیدار روزگار کے مواقع پیدا کرنے میں کلیدی کردار ادا کر رہے ہیں۔
تقریب میں وائس چیئرمین BBoIT جناب بلال خان کاکڑ سمیت سینئر حکام اور معزز مہمانوں نے بھی شرکت کی۔