ایپکس کمیٹی کے اجلاس میں شرکت کیلیے وزیر داخلہ پشاور پہنچ گئے

پشاور: وفاقی وزیر داخلہ محسن نقوی صوبائی ایپکس کمیٹی کے اہم اجلاس میں شرکت کے لیے پشاور پہنچ گئے، جہاں وہ گورنر خیبرپختونخوا فیصل کریم کنڈی اور سینیئر حکام سے ملاقاتیں بھی کریں گے۔

ذرائع کے مطابق صوبے میں گورنر راج اور ایمرجنسی کے نفاذ کے بعد ایپکس کمیٹی کا یہ اجلاس اہمیت اختیار کر گیا ہے۔ اجلاس کی صدارت گورنر خیبرپختونخوا فیصل کریم کنڈی دوپہر ایک بجے کریں گے۔

اجلاس میں انسپکٹر جنرل پولیس خیبرپختونخوا، عسکری حکام اور محکمہ انسداد دہشت گردی (سی ٹی ڈی) کے افسران بھی شریک ہوں گے۔

اجلاس کے دوران صوبے میں سیکیورٹی انتظامات اور موجودہ صورتحال کا ازسرنو جائزہ لیا جائے گا، جبکہ دہشت گردی سے نمٹنے کے لیے آئندہ کا لائحہ عمل بھی طے کیا جائے گا۔