حاجی منظور حسین بھپلا میموریل آل پاکستان ٹورنامنٹ 16 اکتوبر کو ہوگا

ڈیرہ غازیخان (رانا رضوان احمد)حاجی منظور حسین مرحوم بھپلا میموریل آل پاکستان ٹورنامنٹ 16 اکتوبر کو منعقد ہوگا پکی ہٹی، موضع سمینہ سادات میں سہ پہر 3 بجے افتتاحی تقریب ہوگی،حاجی عابد حسین بھپلا تفصیل کے مطابق حاجی عابد حسین بھپلا نے میڈیا سے گفتگو کرتے ہوئے کہا کہ حاجی منظور حسین بھپلامرحوم میموریل آل پاکستان ٹورنامنٹ 16 اکتوبر 2026ء بروز جمعہ پکی ہٹی، موضع سمینہ سادات، تحصیل و ضلع ڈیرہ غازی خان میں منعقدہوگاٹورنامنٹ کی افتتاحی تقریب سہ پہر 3 بجے ہوگی جس کے لیے کھیلوں کے شائقین میں جوش و خروش پایا جا رہا ہے اس ٹورنامنٹ کا انعقاد کھیلوں کے فروغ نوجوانوں کو مثبت سرگرمیوں کی جانب راغب کرنے اور کھلاڑیوں کو اپنی صلاحیتوں کے اظہار کے مواقع فراہم کرنے کے حوالے سے اہم پیش رفت ہے آل پاکستان سطح کے اس ایونٹ میں مختلف علاقوں سے تعلق رکھنے والے کھلاڑیوں کی شرکت متوقع ہے، جس سے کھیلوں کے مقابلوں میں دلچسپی مزید بڑھے گی حاجی عابد حسین بھپلا نے ٹورنامنٹ کے انعقاد کے حوالے سے نیک تمناؤں کا اظہار کرتے ہوئے کہا کہ کھیل صحت مند معاشرے کی تشکیل، نوجوانوں میں نظم و ضبط اور باہمی اتحاد کو فروغ دینے میں اہم کردار ادا کرتے ہیں ایسے مقابلوں سے مقامی ٹیلنٹ کو آگے بڑھنے اور اپنی صلاحیتیں منوانے کے مواقع ملتے ہیں