اساتذہ کے مسائل کے حل اور تعلیمی نظام کی بہتری پر باز محمد گھوٹیہ اور عبداللہ بلوچ کی ملاقات

گنداواہ(رپورٹ شیر احمد ساسولی نمائندہ صحافت)
گورنمنٹ ٹیچرز ایسوسی ایشن جھل مگسی کے ضلعی صدر باز محمد گھوٹیہ اور گرینڈ الائنس نصیرآباد ڈویژن کے سابق صدر عبداللہ بلوچ کے درمیان اہم ملاقات ہوئی، جس میں اساتذہ کو درپیش مختلف مسائل، تعلیمی امور اور محکمہ تعلیم سے متعلق معاملات پر تفصیلی تبادلہ خیال کیا گیا۔
اس موقع پر گورنمنٹ ٹیچرز ایسوسی ایشن جھل مگسی کے ضلعی صدر باز محمد گھوٹیہ اور گرینڈ الائنس نصیر آباد ڈویژن کے سابق صدر عبداللہ بلوچ نے کہا کہ اساتذہ معاشرے کی تعمیر و ترقی میں بنیادی کردار ادا کر رہے ہیں، تاہم انہیں اپنے فرائض کی انجام دہی کے دوران مختلف مشکلات کا سامنا ہے۔ انہوں نے اساتذہ کے جائز مطالبات کے حل، تعلیمی اداروں میں بنیادی سہولیات کی فراہمی اور اساتذہ کو درپیش مسائل کے فوری ازالے کی ضرورت پر زور دیا۔انہوں نے کہا کہ اساتذہ کے مسائل کے حل کے لیے متعلقہ حکام سے مؤثر انداز میں رابطہ کیا جائے گا اور جائز مطالبات کے حصول کے لیے بھرپور آواز اٹھائی جائے گی۔ ملاقات میں اساتذہ کے اتحاد، باہمی مشاورت اور تعلیمی نظام کی بہتری کے لیے مشترکہ کوششیں جاری رکھنے پر بھی اتفاق کیا گیا۔