دکی کی کوئلہ کان سے دو بھائیوں کی لاشیں برآمد

دکی: مقامی کوئلہ کان سے دو بھائیوں کی لاشیں برآمد ہوئی ہیں، پولیس کے مطابق دونوں بھائی زہریلی گیس بھرنے کے باعث جاں بحق ہوئے۔

پولیس کے مطابق جاں بحق ہونے والوں کی شناخت محمد حسن اور محمد ہاشم ولد میرزاخان، قوم ملاخیل، ساکنان کلی ملاعبداللہ کے نام سے ہوئی ہے۔

پولیس کا کہنا ہے کہ دونوں بھائیوں کی لاشیں کوئلے کی ایک بند کان سے ملی ہیں، جہاں زہریلی گیس بھرنے کے باعث ان کی موت ہوئی۔

ذرائع کے مطابق دونوں بھائی گھر سے ناراض ہوکر نکلے تھے، تاہم واقعے سے متعلق مزید تحقیقات جاری ہیں۔