ٹانک میں پٹوارخانے کو نشانہ بنانے والا فتنہ الخوارج کا خودکش حملہ آور ہلاک

ٹانک: خیبرپختونخوا کے ضلع ٹانک میں پٹوارخانے کو نشانہ بنانے کی کوشش کرنے والا مبینہ خودکش حملہ آور راستے میں بارودی مواد پھٹنے سے ہلاک ہوگیا۔

ذرائع کے مطابق حملہ آور پٹوارخانے کی جانب جا رہا تھا کہ اس کے پاس موجود بارودی مواد اچانک پھٹ گیا، جس کے نتیجے میں وہ موقع پر ہلاک ہوگیا۔

دھماکے سے پٹوارخانے سے ملحقہ دو گھروں کو بھی نقصان پہنچا اور ان کی دیواریں منہدم ہوگئیں۔

ابتدائی اطلاعات کے مطابق واقعہ مبینہ طور پر بھتہ خوری کے تنازع سے بھی منسلک بتایا جا رہا ہے۔ سیکیورٹی اداروں نے علاقے کو گھیرے میں لے کر شواہد اکٹھے کرنا شروع کر دیے ہیں جبکہ واقعے کی مزید تحقیقات جاری ہیں۔