کھڈکوچہ میں مبینہ دھماکا، مدینہ ہوٹل مکمل تباہ

مستونگ: تحصیل کھڈکوچہ کے علاقے ریکی بوز میں گزشتہ شام نامعلوم مسلح افراد نے مدینہ ہوٹل کو مبینہ بم دھماکے سے نشانہ بنایا، جس کے نتیجے میں ہوٹل کی عمارت مکمل طور پر تباہ ہوگئی۔

مقامی ذرائع کے مطابق دھماکے کی شدت سے ہوٹل کے ساتھ واقع پرچون کی دکان بھی مکمل طور پر تباہ ہوگئی، جبکہ قریبی ٹیوب ویلوں کی تقریباً 250 سولر پلیٹس ناکارہ ہوگئیں۔

دھماکے سے اردگرد کے گھروں کو بھی نقصان پہنچا اور متعدد مکانات کی کھڑکیوں کے شیشے ٹوٹ گئے۔ واقعے کے بعد علاقے میں خوف و ہراس پھیل گیا۔

واقعے سے متعلق مزید تفصیلات تاحال سامنے نہیں آسکیں۔