ملیر میں صحافیوں پر پولیس تشدد کی مذمت، ذمہ دار اہلکاروں کے خلاف کارروائی کا مطالبہ

کراچی ( پ ر)کورنگی پریس کلب کے صدر محمد عُبیداللہ میرانی جنرل سیکریٹری اور تمام عہدیداران کی جانب سے جاری کردہ بیان میں کہا ہے کہ عوامی پریس کلب ملیر کے صدر سجاد شاہ سامی میمن اور سید عنایت شاہ پر شاہ ٹاؤن پولیس کی جانب سے پرامن احتجاج کی کوریج کے دوران تشدد اور کیمرے توڑنے کے واقعے کی سخت الفاظ میں مذمت کرتے ہیں۔

کورنگی پریس کلب کے صدر محمد عُبیداللہ میرانی نے کہا کہ قلم اور کیمرے پر حملہ آزاد صحافت پر حملہ ہے یہ صحافت کا فرض منصبی ہے کہ وہ مظلوموں کی آواز بنے

انہوں نے مزید کہا کہ سندھ ہمارا تاریخی اور تہذیبی وطن ہے کیا اس سندھ وطن کی وحدت کی بات کرنا جرم ہے اگر پیپلز پارٹی اسمبلی میں کتابیں اٹھا کر کہتی ہے کہ سندھ ہماری ماں ہے تو پھر یہ اجازت صحافیوں سجاد شاہ سامی میمن اور سید عنایت شاہ کو بھی ہونی چاہیے۔

کورنگی پریس کلب نے واضح کیا کہ عوامی پریس کلب ملیر باشعور وطن دوست صحافت کا مورچہ ہے اس مورچے پر سندھ سرکار کے حملے کی مذمت کرتے ہیں اور مطالبہ کرتے ہیں کہ آئی جی سندھ اور ایس ایس پی ملیر 24 گھنٹوں کے اندر ذمہ دار اہلکاروں کے خلاف کارروائی کر کے توڑے گئے سامان کا ازالہ کریں۔