سکھر چیمبر کی تقریب میں ملک محمد رضوان الحق کو اپریسیشن ایوارڈ

سکھر: سابق صدر سکھر چیمبر ملک محمد رضوان الحق کو بہترین کارکردگی پر اپریسیشن ایوارڈ
سکھر (رپورٹ: اسلم سومرو) سکھر چیمبر آف کامرس اینڈ انڈسٹری کی جانب سے منعقدہ تقریب میں سابق صدر سکھر چیمبر آف کامرس اینڈ انڈسٹری اور لوکل باڈیز اینڈ کوآرڈینیشن کمیٹی ڈسٹرکٹ سکھر کے کنوینر ملک محمد رضوان الحق کو بہترین کارکردگی پر اپریسیشن ایوارڈ سرٹیفکیٹ 2026 سے نوازا گیا تقریب کے دوران سکھر کے تاجروں کے رہنما، وائس چیف پیٹرن و سابق صدر سکھر چیمبر آف کامرس اینڈ انڈسٹری اور وائس پریذیڈنٹ ایف پی سی سی آئی سندھ ریجن بلال وقار خان جبکہ سکھر چیمبر آف کامرس اینڈ انڈسٹری کے صدر محمد خالد کاکزی نے ملک محمد رضوان الحق کو اپریسیشن ایوارڈ سرٹیفکیٹ پیش کیا اس موقع پر محمد خالد کاکزی اور ان کے بھائیوں کی جانب سے محمد خالد کاکزی کی صاحبزادی کے ہاتھ سے تیار کردہ خوبصورت پینٹنگ بھی ملک محمد رضوان الحق کو بطور تحفہ پیش کی گئی۔ تقریب میں شہزاد شیوانی، گرداس وادوانی، کامل فاروقی سمیت دیگر صنعت کاروں، تاجروں اور معزز شخصیات نے شرکت کی تقریب کے موقع پر ملک محمد رضوان الحق نے شرکاء سے ملاقاتیں کیں اور کاروباری برادری، سکھر کی ترقی اور باہمی تعاون سے متعلق مختلف امور پر تبادلہ خیال کیا۔ اس موقع پر تاجر برادری کے نمائندگان نے بھی ایک دوسرے کے لیے نیک خواہشات کا اظہار کیا۔