ضلع مستونگ میں ڈرون حملہ، باغ میں کام کرنے والے 4مزدور جاں بحق

بلوچستان کے ضلع مستونگ کے علاقے کھڈکوچہ گیت میں ڈرون حملے کے نتیجے میں 4 مزدور جاں بحق جبکہ 3 افراد زخمی ہوگئے۔

سیکیورٹی ذرائع کے مطابق ڈرون حملہ باغ میں کام کرنے والے مزدوروں کو نشانہ بنا کر کیا گیا۔ واقعے کے بعد لاشوں اور زخمیوں کو اسپتال منتقل کردیا گیا۔

ریسکیو ذرائع کے مطابق زخمی ہونے والوں میں علی رضا مینگل، نصیب اللہ ابڑو اور خالد حسین شامل ہیں۔ جاں بحق اور زخمی تمام افراد باغ میں مزدوری کر رہے تھے۔