ٹیکس ریلیف کے باوجود تنخواہ دار طبقے سے جولائی میں 2 ارب روپے اضافی ٹیکس وصول

اسلام آباد: وفاقی حکومت کی جانب سے بجٹ میں تنخواہ دار طبقے کو ٹیکس ریلیف دینے کے باوجود جولائی 2026 میں اس طبقے سے گزشتہ مالی سال کے مقابلے میں 2 ارب روپے زیادہ انکم ٹیکس وصول کیا گیا۔

ایف بی آر حکام کے مطابق جولائی 2026 میں تنخواہ دار طبقے سے 44 ارب روپے انکم ٹیکس جمع ہوا، جبکہ جولائی 2025 میں یہ رقم 42 ارب روپے تھی۔ جولائی 2024 میں تنخواہ دار طبقے سے تقریباً 30 ارب روپے ٹیکس وصول کیا گیا تھا۔

دوسری جانب جولائی 2026 میں جائیداد کی خرید و فروخت پر 15.5 ارب روپے ایڈوانس انکم ٹیکس وصول ہوا۔ اس دوران جائیداد کے تقریباً 90 ہزار لین دین ریکارڈ کیے گئے، جبکہ جولائی 2025 میں یہ تعداد 60 ہزار تھی، یوں ایک سال کے دوران جائیداد کے لین دین میں 50 فیصد اضافہ ہوا۔