سکھر: چھ فلاحی یونٹس کا مشترکہ اجلاس، عوامی خدمت کے منصوبوں کو وسعت دینے پر اتفاق

سکھر (رپورٹ اسلم سومرو) بانی و چیف پیٹرن ملک محمد رضوان الحق کی زیرِ صدارت چھ فلاحی یونٹس کا مشترکہ اجلاس منعقد ہوا، جس میں الحق فاؤنڈیشن علی واہن روہڑی، ملک فلاحی جماعت و ملک برادری جماعت، عباسی فلاحی جماعت علی واہن روہڑی، نیو پنڈ سکھر، پرانا سکھر سمیت مختلف یونٹس کے عہدیداران نے شرکت کی
اجلاس میں علی واہن روہڑی میں عباسی فلاحی جماعت کے دفتر کے قیام، تنظیمی امور کی بہتری اور عوامی فلاح کے منصوبوں پر مشاورت کی گئی، جبکہ مختلف یونٹس کی کارکردگی کا بھی جائزہ لیا گیا۔ عہدیداران نے اپنی رپورٹس پیش کرتے ہوئے بتایا کہ مستحق اور نادار افراد کی خدمت کے لیے متعدد فلاحی سرگرمیاں انجام دی جا چکی ہیں مقررین نے کہا کہ الحق فاؤنڈیشن بلا تفریق انسانیت کی خدمت جاری رکھے ہوئے ہے، جبکہ عباسی فلاحی جماعت کے قیام سے برادری کی فلاحی سرگرمیوں کو مزید فروغ ملے گا۔ اجلاس کے اختتام پر ملک محمد رضوان الحق نے تمام یونٹس کی کارکردگی کو سراہتے ہوئے باہمی تعاون سے عوامی خدمت کا دائرہ مزید وسیع کرنے کے عزم کا اظہار کیا۔ آخر میں ملک و قوم کی ترقی، امن و خوشحالی اور فلاحی سرگرمیوں کی کامیابی کے لیے اجتماعی دعا کرائی گئی۔