باجوڑ میں آئی ڈی بم دھماکا ایک شخص جاں بحق

پشاور کے ضلع باجوڑ کی تحصیل برنگ کے علاقے اصیل ترغاؤ سیاہ مینہ میں آئی ڈی بم دھماکے کا واقعہ پیش آیا جس کے نتیجے میں ایک شخص جاں بحق ہوگیا، جس کی شناخت سید دور کے نام سے ہوئی ہے۔

واقعے کے فوراً بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا جبکہ مزید تفتیش جاری ہے تاکہ دھماکے میں ملوث عناصر کا سراغ لگایا جا سکے۔

دوسری جانب پشاور میں باجوڑ کی تحصیل سلارزئی کے علاقے کوہی میں نامعلوم افراد کی فائرنگ سے ایک شخص جاں بحق ہوگیا، پولیس کے مطابق جاں بحق شخص ملک ضیا سلارزئی تھا جو باجوڑ میں سماجی کاموں کے حوالے سے مشہور تھا۔

ادھر ڈی آئی خان میں لکی مروت کے علاقے میں دہشت گردوں کی فائرنگ سے ایک پولیس اہلکار بھی جاں بحق ہوگیا۔

اس کے علاوہ ڈی آئی خان کی تحصیل سروکئی جنوبی وزیرستان میں ایڈیشنل ایس ایچ او پر فائرنگ کا واقعہ پیش آیا، پولیس کے مطابق فائرنگ کے نتیجے میں ایڈیشنل ایس ایچ او میراجان شاہ شدید زخمی ہوگئے۔

ڈی پی او جنوبی وزیرستان کے مطابق زخمی افسر کو فوری طور پر اسپتال منتقل کر دیا گیا ہے جہاں انہیں طبی امداد فراہم کی جا رہی ہے۔