صحت کے شعبے میں مزید بہتری حکومت کی ترجیح ہے ،وزیراعلیٰ بلوچستان

وزیراعلیٰ بلوچستان میر سرفراز بگٹی نے کہا ہے کہ بلوچستان ہیلتھ کارڈ پروگرام کے ذریعے عوام کو مفت اور معیاری علاج کی فراہمی یقینی بنائی جا رہی ہے۔ انہوں نے بتایا کہ شہریوں کی سہولت کے لیے شناختی کارڈ کو ہی ہیلتھ کارڈ کا درجہ دیا گیا ہے، جس کے تحت نہ صرف صوبے بلکہ ملک بھر کے بڑے سرکاری و نجی اسپتالوں میں علاج کی سہولیات فراہم کی جا رہی ہیں۔

Browse Posts

ملک میں سیمنٹ کی قیمتوں میں اضافے کی وجوہات سامنے آگئیں

سونے کی قیمتوں میں مسلسل اضافہ، آج پھر مہنگا ہوگیا

بحری قزاقوں کی قید میں موجود پاکستانی لاوارث نہیں، رہائی کے اقدامات کر رہے ہیں، گورنر سندھ

انہوں نے مزید کہا کہ اس پروگرام کے تحت اب تک 3 لاکھ 45 ہزار مریض مستفید ہو چکے ہیں، جن میں 69 ہزار ڈائیلاسز، 44 ہزار سے زائد کیموتھراپی اور 1200 سے زائد ریڈیوتھراپی سیشنز شامل ہیں۔ دل کے مریضوں کے لیے 7,784 اینجیوپلاسٹی اور 575 بائی پاس سرجریز کی گئیں جبکہ بچوں کے دل کے 304 کیسز کا مفت علاج کیا گیا۔

وزیراعلیٰ کے مطابق ہیلتھ کارڈ کے ذریعے 3,412 نیورو سرجریز، 12,300 آرتھوپیڈک سرجریز اور 183 برنز و پلاسٹک سرجری کے کیسز مکمل کیے گئے۔ ماں اور بچے کی صحت کے حوالے سے 55 ہزار سے زائد کیسز ہینڈل کیے گئے، جن میں 24,688 نارمل ڈیلیوریز اور 20,344 سی سیکشنز شامل ہیں۔ انہوں نے اس عزم کا اظہار کیا کہ صوبائی حکومت صحت کے شعبے میں مزید بہتری کے لیے اقدامات جاری رکھے گی۔