کوئٹہ میں تندور اور قصاب مافیا کے خلاف کریک ڈاؤن، 8 گرفتار

ڈپٹی کمشنر کوئٹہ مہراللہ بادینی کی ہدایات کے مطابق ضلعی انتظامیہ نے تندوروں اور گوشت فروشوں کے خلاف کارروائیاں کیں۔

اسپیشل مجسٹریٹ حسیب سردار نے عالمو چوک اور نواں کلی کے علاقوں میں کارروائیاں کرتے ہوئے وزن میں کمی کرنے والے تندوروں اور سرکاری نرخنامے کی خلاف ورزی کرنے والے قصابوں کے خلاف سخت ایکشن لیا۔

کارروائیوں کے دوران 8 افراد کو گرفتار کرکے جیل منتقل کیا گیا جبکہ 4 دکانوں کو سیل کر دیا گیا۔