نوجوانوں کے لیے کھیلوں کے مواقع بڑھانے کی کوشش جاری ہے، نورعلی کاکڑ

ڈپٹی کمشنر لورالائی کیپٹن (ر) محمد حسیب شجاع کی خصوصی ہدایات پر ایڈیشنل ڈپٹی کمشنر جنرل نورعلی کاکڑ نے اسسٹنٹ کمشنر (یو، ٹی) محمد اسحاق ناصر کے ہمراہ بیوٹمز یونیورسٹی لورالائی میں فٹسال گراؤنڈ کے لیے موزوں جگہ کا معائنہ کیا۔

اس موقع پر پرنسپل بیوٹمز یونیورسٹی لورالائی عزیز اللہ اور سٹاف بھی موجود تھے۔

اس اقدام کا مقصد نوجوانوں کو صحت مند اور مثبت سرگرمیوں کے مواقع فراہم کرنا اور ضلع لورالائی میں کھیلوں کے فروغ کو یقینی بنانا ہے۔ ضلعی انتظامیہ نوجوانوں کی فلاح و بہبود اور کھیلوں کے میدان میں سہولیات کی فراہمی کے لیے بھرپور اقدامات کر رہی ہے۔