کوہاٹ: سی ٹی ڈی اور پولیس کے آپریشن میں 6 دہشتگرد ہلاک

کوہاٹ کے تھانہ لاچی کی حدود میں سی ٹی ڈی اور پولیس نے مشترکہ کارروائی کرتے ہوئے دہشتگردوں کے خلاف بڑا آپریشن کیا، جس کے دوران فائرنگ کے تبادلے میں 6 دہشتگرد ہلاک ہوگئے۔

ڈی پی او کوہاٹ شہباز الہٰی کے مطابق سی ٹی ڈی اور کوہاٹ پولیس کو خفیہ اطلاع ملی تھی کہ لاچی کے مختلف علاقوں میں دہشتگرد موجود ہیں اور کسی بڑی کارروائی کی منصوبہ بندی کر رہے ہیں۔

اطلاع ملنے پر سی ٹی ڈی اور پولیس کی بھاری نفری نے مشترکہ سرچ اینڈ اسٹرائیک آپریشن شروع کیا۔ کارروائی کے دوران دہشتگردوں نے پولیس کو دیکھتے ہی فائرنگ شروع کر دی، جس پر اہلکاروں نے بھی بھرپور جوابی کارروائی کی۔

فائرنگ کے تبادلے میں 6 دہشتگرد مارے گئے جبکہ ان کے قبضے سے اسلحہ بھی برآمد کر لیا گیا۔ پولیس کے مطابق علاقے کو مکمل طور پر گھیرے میں لے کر سرچ آپریشن جاری ہے۔

کوہاٹ: سی ٹی ڈی اور پولیس کے آپریشن میں 6 دہشتگرد ہلاک