بلوچستان،پیٹرولیم مصنوعات کی قلت کے پیشِ نظر تمام کالجز و یونیورسٹیاں بند

محکمہ ہائر ایجوکیشن بلوچستان نے ایران میں جاری جنگی صورتحال اور پیٹرولیم مصنوعات کی ممکنہ قلت کے پیشِ نظر صوبے بھر میں سمارٹ لاک ڈان نافذ کرنے کا فیصلہ کیا ہے۔ اس فیصلے کے تحت بلوچستان کے تمام سرکاری انٹرمیڈیٹ، ڈگری، ٹیکنیکل کالجز اور پبلک سیکٹر یونیورسٹیوں کو بند رکھنے کا نوٹیفکیشن جاری کر دیا گیا ہے۔ جاری کردہ اعلامیے کے مطابق ان تعلیمی اداروں میں 10 مارچ 2026 سے 23 مارچ 2026 تک تمام تدریسی، تعلیمی اور انتظامی سرگرمیاں مکمل طور پر معطل رہیں گی۔ حکام کا کہنا ہے کہ یہ اقدام کسی بھی ہنگامی صورتحال سے نمٹنے کے لیے پیشگی انتظامی تیاریوں کو یقینی بنانے کی خاطر کیا گیا ہے۔