کوہلو میں سی آئی اے پولیس کی کارروائی، مختلف دفعات کے تحت مطلوب مفرور ملزم گرفتار

بلوچستان کے ضلع کوہلو میں سی آئی اے پولیس ٹیم نے کامیاب کارروائی کرتے ہوئے مقدمے میں مطلوب مفرور ملزم کو گرفتار کر لیا، تفصیلات کے مطابق ایس پی کوہلو طیب اقبال اور ڈی ایس پی غوث بخش کی ہدایات پر سی آئی اے ٹیم کے انچارج حاصل خان مری اور اسسٹنٹ انچارج صحبت خان مری نے اپنی ٹیم کے ہمراہ کارروائی کرتے ہوئے مفرور ملزم نعمت اللہ ولد امان اللہ کو گرفتار کر لیا، پولیس کے مطابق گرفتار ملزم تھانہ لاسے زئی میں درج مقدمہ نمبر 8/26، بجرم دفعات 147، 149، 506، 504، 109، 427 اور 337-A تعزیراتِ پاکستان میں مطلوب تھا۔ ملزم کو گرفتار کرکے مزید قانونی کارروائی اور تفتیش کے لیے متعلقہ تھانے منتقل کر دیا گیا ہے، دوسری جانب عوامی حلقوں نے ڈی آئی جی کوہ سلیمان ڈویژن ایاز احمد بلوچ، ایس پی کوہلو طیب اقبال اور دیگر قانون نافذ کرنے والے اداروں سے مطالبہ کیا ہے کہ ضلع بھر میں بڑھتی ہوئی چوری اور دیگر جرائم کی روک تھام کے لیے مثر اقدامات کیے جائیں اور وارداتوں میں ملوث عناصر کو گرفتار کرکے قانون کے کٹہرے میں لایا جائے۔