راولپنڈی: بدبخت شخص کی گھر میں گھس کر پیدائشی طور پر ایب نارمل 15 سالہ بچی سے جنیس زیادتی کی کوشش

راولپنڈی: کلرسیداں میں گھر میں داخل ہو کر 15 سالہ ذہنی معذور بچی سے مبینہ زیادتی کی کوشش کرنے والے ملزم کو پولیس نے گرفتار کرلیا۔

پولیس کے مطابق بچی کے والد نے بیان دیا کہ وہ مزدوری کرتے ہیں جبکہ ان کی اہلیہ گھروں میں کام کرتی ہیں۔ واقعے کے روز وہ کام سے واپس گھر پہنچے تو کچن میں علاقے کے رہائشی اخلاق اسلم کو اپنی بیٹی کے ساتھ نازیبا حالت میں موجود پایا۔ والد کے اچانک پہنچنے پر ملزم فرار ہوگیا۔

والد کی شکایت پر پولیس نے مقدمہ درج کرکے کارروائی کی اور نامزد ملزم اخلاق اسلم کو گرفتار کرلیا۔

ایس پی صدر کے مطابق ملزم کے خلاف ٹھوس شواہد اکٹھے کرکے چالان عدالت میں پیش کیا جائے گا۔ ان کا کہنا تھا کہ خواتین اور بچوں کو ہراساں کرنے یا ان کے ساتھ زیادتی کے واقعات ناقابل برداشت ہیں۔