سونے کی عالمی و مقامی مارکیٹوں میں قیمت مستحکم، چاندی مہنگی ہوگئی

کراچی: عالمی اور مقامی صرافہ مارکیٹوں میں سونے کی قیمتیں مستحکم رہیں، جبکہ چاندی کی قیمت میں اضافہ ریکارڈ کیا گیا ہے۔

بین الاقوامی بلین مارکیٹ میں فی اونس سونے کی قیمت 4,181 ڈالر پر برقرار رہی۔ اس کے نتیجے میں مقامی مارکیٹ میں بھی فی تولہ سونا بغیر کسی تبدیلی کے 4 لاکھ 40 ہزار 636 روپے پر مستحکم رہا۔

اسی طرح 10 گرام سونے کی قیمت بھی 3 لاکھ 77 ہزار 774 روپے پر برقرار رہی۔

دوسری جانب عالمی مارکیٹ میں چاندی کی فی اونس قیمت 59 سینٹس اضافے کے بعد 57 ڈالر 56 سینٹس ہوگئی۔ اس اضافے کے اثرات مقامی صرافہ مارکیٹ میں بھی دیکھنے میں آئے، جہاں فی تولہ چاندی 59 روپے مہنگی ہوکر 6 ہزار 234 روپے کی سطح پر پہنچ گئی۔

اسی طرح 10 گرام چاندی کی قیمت میں 50 روپے کا اضافہ ہوا، جس کے بعد نئی قیمت 5 ہزار 344 روپے ہوگئی۔