خواتین کے لیے کھیلوں کے مواقع بڑھانا وقت کی اہم ضرورت ہے، شائستہ لغاری

خواتین کے لیے کھیلوں کے مواقع بڑھانا وقت کی اہم ضرورت ہے، شائستہ لغاری

کوئٹہ(پ ر) فیمیل فٹ بال کوچ اور خواتین کے کھیلوں کی تقریبات کی منتظم شائستہ لغاری نے کہا ہے کہ خواتین اور نوجوان لڑکیوں کو کھیلوں کے زیادہ سے زیادہ مواقع فراہم کرنے کی ضرورت ہے تاکہ وہ اپنی صلاحیتوں کو نکھار سکیں اور مثبت سرگرمیوں میں بھرپور حصہ لے سکیں۔

انہوں نے کہا کہ کھیل نہ صرف جسمانی صحت بلکہ خوداعتمادی، نظم و ضبط اور ٹیم ورک کو فروغ دینے میں بھی اہم کردار ادا کرتے ہیں۔ خواتین کے لیے کھیلوں کی بہتر سہولیات، تربیتی مواقع اور مقابلوں کا انعقاد نوجوان کھلاڑیوں کی حوصلہ افزائی کے لیے ضروری ہے۔

شائستہ لغاری کے مطابق خواتین کے کھیلوں کو فروغ دینے کے لیے متعلقہ اداروں، کھیلوں کی تنظیموں اور معاشرے کو مشترکہ کوششیں کرنی چاہییں تاکہ بلوچستان کی باصلاحیت لڑکیوں کو آگے بڑھنے کے مناسب مواقع میسر آ سکیں۔