مشاق تربیتی طیارے کے حادثے میں قیمتی جانوں کے ضیاع پر دلی افسوس ہے، میر فدا حکیم رند

کوئٹہ
معروف قبائلی شخصیت میر فدا حکیم رند نے کوئٹہ کے علاقے نواں کلی کے قریب پاکستان آرمی ایوی ایشن کے مشاق تربیتی طیارے کو پیش آنے والے حادثے پر گہرے دکھ اور افسوس کا اظہار کرتے ہوئے دونوں شہید پائلٹس میجر حسنین شہزاد ہمایوں اور کیپٹن عبدالصمد کو خراجِ عقیدت پیش کیا ہے اپنے تعزیتی بیان میں میر فدا حکیم رند نے کہا کہ دونوں پائلٹس کی شہادت ایک افسوسناک سانحہ ہے، جس پر پوری قوم غمزدہ ہے۔ انہوں نے کہا کہ وطنِ عزیز کی خدمت کے دوران اپنی جانوں کا نذرانہ پیش کرنے والے شہداء کی قربانیاں ہمیشہ یاد رکھی جائیں گی میر فدا حکیم رند نے شہداء کے اہلِ خانہ سے دلی تعزیت اور ہمدردی کا اظہار کرتے ہوئے کہا کہ دکھ کی اس گھڑی میں پوری قوم شہداء کے خاندانوں کے ساتھ کھڑی ہے۔ انہوں نے دعا کی کہ اللہ تعالیٰ شہداء کو جنت الفردوس میں اعلیٰ مقام عطا فرمائے اور سوگوار خاندانوں کو صبرِ جمیل عطا کرے۔ آمین۔