علیمہ خان کے خلاف 26 نومبر احتجاج کیس کا فیصلہ تیسری بار مؤخر

راولپنڈی: علیمہ خان کے خلاف 26 نومبر احتجاج کیس کا فیصلہ تیسری مرتبہ مؤخر کردیا گیا، عدالت نے فیصلہ سنانے کے لیے 16 اکتوبر کی نئی تاریخ مقرر کردی۔

تھانہ صادق آباد میں درج مقدمے کا فیصلہ جمعے کو سنایا جانا تھا، تاہم جج امجد علی شاہ کے چھٹی پر ہونے کے باعث فیصلہ ایک بار پھر مؤخر ہوگیا۔

سماعت کے موقع پر 9 ملزمان کمرہ عدالت میں موجود تھے، جبکہ علیمہ خان لاہور جیل میں ہونے کے باعث عدالت میں پیش نہ ہوسکیں۔

دورانِ سماعت وکیل صفائی فیصل ملک نے علیمہ خان کو عدالت میں طلب کرنے کی استدعا کی۔ عدالت نے مقدمے کا فیصلہ سنانے کے لیے 16 اکتوبر کی تاریخ مقرر کردی۔