حکومت نے پیٹرولیم مصنوعات کی قیمتوں میں مزید اضافہ کردیا

اسلام آباد: حکومت نے پیٹرولیم مصنوعات کی قیمتوں میں مزید اضافہ کردیا، جس کے بعد پیٹرول اور ہائی اسپیڈ ڈیزل کی قیمتیں بڑھ گئی ہیں۔

پیٹرولیم ڈویژن کی جانب سے جاری نوٹیفکیشن کے مطابق پیٹرول کی فی لیٹر قیمت میں 2 روپے 31 پیسے اضافہ کیا گیا ہے، جس کے بعد نئی قیمت 398 روپے 96 پیسے مقرر کردی گئی ہے۔

نوٹیفکیشن کے مطابق ہائی اسپیڈ ڈیزل کی قیمت میں 78 پیسے فی لیٹر اضافہ کیا گیا ہے، جس کے بعد اس کی نئی قیمت 395 روپے 72 پیسے ہوگئی ہے۔

پیٹرولیم ڈویژن کے مطابق اوگرا نے وفاقی حکومت کے طے کردہ طریقہ کار کے تحت قیمتوں میں ردوبدل کیا۔ عالمی منڈی میں قیمتوں، پریمیم اور دیگر اخراجات کو مدنظر رکھتے ہوئے نئی قیمتیں مقرر کی گئی ہیں۔

پیٹرولیم مصنوعات کی نئی قیمتوں کا اطلاق 9 اکتوبر 2026 سے ہوگا۔