چشتیاں میں صوبہ بحالی تحریک کا اجلاس، بہاولپور صوبہ فوری بحال کرنے کا مطالبہ

منڈی مدرسہ( عبدالقادر فاروقی)چشتیاں میں میاں ممتاز احمد متیانہ کی زیر صدارت صوبہ بحالی تحریک زوروں پر، بہاولپور صوبہ فوری بحال کرنے کا مطالبہ : میاں آصف بشیر متیانہ

صوبہ بہاولپور بحالی تحریک کے سلسلے میں چشتیاں میں ایک اہم اجلاس منعقد ہوا جس میں بہاولپور صوبہ کو فوری طور پر بحال کرنے کا پرزور مطالبہ کیا گیا۔

تحریک کے رہنماؤں پرنس نواب بہاول عباس عباسی، میاں ممتاز احمد متیانہ اور میاں شہباز احمد متیانہ نے خطاب کرتے ہوئے کہا کہ حکومت پاکستان بہاولپور ریاست کو اس کے آئینی حقوق دے۔ انہوں نے کہا کہ بہاولپور ایک خودمختار ریاست تھی جس نے پاکستان کے ساتھ الحاق کیا تھا، اس الحاق کے وقت جو معاہدہ ہوا تھا اس کے مطابق بہاولپور کو صوبے کا درجہ دیا جانا اس کا آئینی حق ہے۔
رہنماؤں نے مزید کہا کہ بہاولپور صوبہ کے عوام گزشتہ کئی دہائیوں سے اپنے حقوق سے محروم ہیں، وسائل کی غیر منصفانہ تقسیم اور پسماندگی نے اس خطے کو بہت پیچھے دھکیل دیا ہے۔ بہاولپور صوبے کی بحالی سے نہ صرف جنوبی پنجاب میں ترقی کی نئی راہیں کھلیں گی بلکہ انتظامی مسائل بھی حل ہوں گے۔آخر میں انہوں نے حکومت سے مطالبہ کیا کہ بہاولپور صوبے کی بحالی کے لیے فوری اقدامات کیے جائیں۔